見著網 目眶紅 破甲這大孔
想要補 無半項 誰人知阮苦痛
今日若將這來放 是永遠無希望
為著前途罔活動 找傢司補破網
手挽網 頭就重 悽慘阮一人
意中人 走叼藏 針線來逗幫忙
姑不利將網振動 舉網針接西東
天河用線做橋板 全精神補破網
魚入網 好年冬 歌聲滿漁港
阻風雨 駛孤帆 阮勞力無了工
雨過天清魚滿港 最快樂咱雙人
今日團圓心花香 從今免補破網
留言列表
